Ar Greizenn Avel Vor

Er Greizenn Avel Vor eo bodet ar servij sevenadur ha buhez ar c’hevredigezhioù e Ti-kêr Plougastell, a zo karget da verañ ar salioù ha da sevel ar programm sevenadurel, hag ar greizenn sokial ar Steredenn-vor.
Ul lec’h bev-birvidik eo, ma c’hall obererien ar c’hornad kendivizout, kavout keleier ha labourat asambles diwar-benn oberoù war meur a dachenn.
Bep bloaz, da vare an distro-skol, e kinnig ar Greizenn Avel Vor ur programm savet diwar ar c’hoant da brofañ d’an dud sonerezh, c’hoariva, dañs, abadennoù war un tem bennak, kontadennoù, arvestoù bras, abadennoù evit ar re yaouank ha fent e-leizh, evel-just, gant ar festival “Les Feux de l’Humour”.
Gallout a reer adaozañ stumm ar salioù er Greizenn Avel Vor, rak-se eo ul lec’h a-zoare evit degemer kendalc’hoù, saloñsoù ha diskouezadegoù.